Үлгі:Басты бет/Жаңалықтар/2014

2014 жылғы оқиғалар

Желтоқсан

• 27 желтоқсан - ақын, халықаралық "Алаш" сыйлығының лауреаты Ибрагим Исаев (1949 ж.туған) дүниеден озды.
• 11 желтоқсан — Google Translate аударма қызметіне қазақ тілі қосылды!

Қараша оқиғалары

• 30 қараша — Грек-рим күресінен 1980 жылғы Олимпиада чемпионы Жақсылық Үшкемпіров "Әлемнің үздік палуаны" атағына ие болды.
• 28 қараша — театр сыншысы, Қазақстан Республикасы Мемлекеттік сыйлығының лауреаты, профессор, Қазақстанның еңбек сіңірген өнер қайраткері Әшірбек Төребайұлы Сығай (Сығаев) қайтыс болды.
• 26 қараша — қазақтың дәстүрлі күй өнері мен киіз үй жасау тәсілі әлемдік материалды емес мұра тізіміне енrізілді.
• 25 қараша — Қазақстан тумасы, Ресейдің Лесной қаласы әскери бөлімінің командирі Серік Сұлтанғабиевке Ресей батыры атағы берілді.
• 11 қараша — Қазақстан Президенті Н.Ә.Назарбаев Қазақстан халқына жыл сайынғы дәстүрлі жолдауын жариялады. Жолдау "Нұрлы жол - Қазақстанның жаңа бағыты" деп аталады.
• 9 қараша — Авиация генерал-майоры, екі мәрте Кеңес Одағының Батыры, «Барыс» орденінің иегері Талғат Жақыпбекұлы Бигелдинов дүниеден озды.
• 8 қараша — Қазақстанның Алматы қаласында ауыр атлетикадан ерлер арасындаығы 81-ші және әйелдер арасындағы 24-ші әлем чемпионаты басталды.
• 4 қараша - Қазақстан Республикасы Мәдениет және спорт министрі Арыстанбек Мұхамедиұлы Қазақ хандығына арналған сериал түсірілетіндігін мәлімдеді.

Қазан оқиғалары

• 28 қазан - Дубайда Қазақстан Республикасы Президенті Нұрсұлтан Назарбаевқа Әлемдік ислам қаржыландыру (Global Islamic Finance Award, GIFA) сыйлығын табыс ету салтанаты өтті.
• 6 қазан - Физиология және медицина саласындағы биылғы Нобель сыйлығына британ-америкалық нейробиолог Джон О’Киф пен оның норвегиялық әріптестері ерлі-зайыпты Эдвард пен Май-Бритт Мосер ие болды.

Қыркүйек оқиғалары

• 19 қыркүйек — Интернеттің қазақ бөлімі - Қазнеттің 20 жылдығы аталып жатыр.

• 19 қыркүйек — Шотландия референдумы қорытындысы бойынша Ұлыбритания құрамында қалатын болды.
• 12 қыркүйек — Ұлыбританияның экс-министрі — Тони Блэр Қазақстан Республикасының Конституциясы жайлы кітап жазатындығын мәлімдеді.
• 9 қыркүйек — 2015 жылғы 1 маусымнан бастап ҚР Мемлекеттік Елтаңбасының жаңа стандарты күшіне енетіндігі мәлім етілді.
• 8 қыркүйек — Жазушы, Халықаралық әдеби "Алаш" сыйлығының лауреаты Адам Мекебаев (1940 ж.т.) қайтыс болды.

Тамыз оқиғалары

• 22 тамыз - Қазақстан Президенті Нұрсұлтан Назарбаев екі жаңа теміржол желісіндегі ("Жезқазған-Бейнеу" және "Арқалық-Шұбаркөл") қозғалысты бастап берді.

• 16 тамыз — Қазақстан Республикасының мемлекеттiк туының авторы — Шәкен Оңласынұлы Ниязбеков қайтыс болды.
• 11 тамыз — америкалық актер, режиссер және продюсер, «Оскар», «Алтын глобус» және «Эмми» сыйлықтарының иегері — Робин Уильямс дүниеден өтті.
• 10 тамыз — Түркиядағы президент сайлауында Тайип Эрдоған 51.79 пайыз дауыспен жеңіске жетті.
• 6 тамыз — Президент Нұрсұлтан Назарбаев Қазақстан үкіметін қайта ұйымдастырды. Үкімет құрамы 12 министрлік пен 30 комитеттен тұратын болды.

Шілде оқиғалары

• 17 шілде — Украинада Амстердам — Куала Лумпур бағытында ұшып бара жатқан Малайзияның «Боинг-777» ұшағы құлап, барлық 305 адамнан 295 жолаушы мерт болды.

Бразилия — Германия ойынынан үзінді

• 14 шілде — Футболдан Германия құрамасы әлем чемпионатының финалында Аргентина құрамасымен кездесіп, 1:0 (қ. у.) есебімен төртінші рет әлем чемпионы атанды.

Мамыр оқиғалары

• 29 мамыр — Астанада Қазақстан, Ресей, Беларусь мемлекеттерінің басшылары Еуразиялық Экономикалық Одақ құрылуы бойынша келісімге қол қойды.
• 23 мамыр — Toyota әлемдегі ең қымбат автомобиль маркасы атанды. Жапон бренді Германияның BMW және Mercedes-Benz-ін артқа тастады.
• 22 мамыр — Ауғанстанның солтүстік-шығысындағы Бадахшан уәлаятында Талибан жасақтары 27 полиция офицерін кепілге алды.
• 22 мамыр — Мадридте соңғы 35 жылдан бері алғаш рет коррида өткізілмейтін болды. Асау бұқалар үш матадорды ауыр жаралағаннан кейін ел билігі осындай шешімге келіп отыр.
• 22 мамыр — Қытайдың Үрімжі қаласында орын алған жарылыстан көптеген адам қаза болды.
• 22 мамыр — Ауғанстанның солтүстік-шығысындағы Бадахшан уәлаятында Талибан жасақтары 27 полиция офицерін кепілге алды
• 17 мамыр — Хоккейден Қазақстан құрамасы 2014 жылғы әлем чемпионатында соңғы орын алып 1-ші дивизионға қайта түсті.
• 13 мамыр — Түркияның батысындағы Сома қаласында 2 мың метр тереңдіктегі шахта жарылысынан 301 адам мерт болды.

Сәуір оқиғалары

• 2 сәуір — Кәрім Қажымқанұлы Мәсімов Қазақстан Республикасының Премьер-Министрі болып қайта тағайындалды.

Наурыз оқиғалары

• 25 наурыз — Әзірбайжанша Уикипедияда мақалалар саны 100 мыңнан асты.
• 1 наурыз — Ресей парламенті Украинаға әскери басып кіру туралы қарарды мақұлдады.

Ақпан оқиғалары

• 15 ақпан — Денис Тен Сочи қысқы олимпиада ойындарында Қазақстанның алғашқы - қола медалін, ал ел тарихында мәнерлеп сырғанаудан алғашқы медалін ұтып алды.
• 11 ақпан — Қазақстан ұлттық банкі доллардың құнын 185 теңге деп белгіледі.

• 7 ақпан - Сочи қаласында "Фишт" стадионында Қысқы XXII Олимпиада ойындарының ашылу салтанаты өтті.

Қаңтар оқиғалары

• 24 қаңтар — қазақ ақыны, халық жазушысы, журналист, Қазақстан Республикасы Парламенті Мәжілісінің I және II шақыруларының депутаты (1996-2004) Фариза Оңғарсынова өмірден озды.
• 1 қаңтар — Германияның Жер халқын зерттеу қоры мәліметі бойынша жер шары халқының саны 7,2 миллиард адамға жетті.
• 1 қаңтар — Латвия еурозонаға 18-мүшесі болып енді.