Хорлан Ықсанқызы Қалиламбекова

Хорлан Қалиламбекова
Толық аты	Хорлан Ыхсанқызы Қалиламбекова
Туған күні	18 қараша 1945 (1945-11-18) (78 жас)
Туған жері	Қарағанды облысы, Балқаш
Мемлекет	КСРО  Қазақстан
Мамандығы	опералық әнші, профессор
Марапаттары	Құрмет ордені

Хорлан Ықсанқызы Қалиламбекова (18 қараша 1945 жыл, Қарағанды облысы Балқаш қаласы) – қазақстандық опера және камералық әншісі. Қазақстанның халық әртісі. Қазақ ұлттық өнер университетінің профессоры. Ыбырай Алтынсарин атындағы құрметті белгісінің иегері.

Жалпы мәліметтер

Қарағанды музыка училищесін (1967), Хорлан Қалиламбекова сахнада Алматы консерваториясын (қазіргі Қазақ ұлттық консерваториясы) бітірген (1972). Еңбек жолын Қазақ академиялық опера және балет театрында әнші болып бастады. 1977- 1978 жылдары Софияның (Болгария) опера және балет театрында тәжірибе жинақтаудан өтті. Ол Қамар мен Қарагөз (Е.Рахмадиевтің "Қамар сұлуы" мен "Алпамысында"), Еңлік (Ғ.Жұбанованың "Еңлік - Кебегінде"), Ақтоқты (С.Мұқамеджановтың "Ақан сері - Ақтоқтысында"), Татьяна мен Иоланта (П.И. Чайковскийдің "Евгений Онегині" мен "Иолантасында"), Чио-Чио-Сан (Дж.Пуччинидің "Чио-Чио-Санында"), Травиата (Дж. Вердидің "Травиатасында"), т.б. арияларын орындады. 1975 - 1980 жылдары Польшада, Румынияда, Португалияда, Финляндияда, Үндістанда өнер көрсетті.

Қазіргі уақытта Қазақ ұлттық опера және балет театрында (Астана) әнші әрі Қазақ ұлттық музыка академиясында (Астана) дәріс береді.

Марапаттары

• 1980 жылы (Қазақ КСР) «Қазақстанның еңбек сіңірген әртісі» құрметті атағы;
• 1982 жылы (Қазақ КСР) «Қазақстанның халық әртісі» құрметті атағы;
• 2002 жылы «Құрмет ордені» ;
• 2008 жылы «Астанаға – 10 жыл» мерекелік медальі;
• 2010 жылы Ыбырай Алтынсарин атындағы құрметті белгісі;
• Қазақ ұлттық өнер университетінің профессоры.

Жеке өмірі

• жанры: режиссер, профессор ,КСРО және «Қазақстанның халық әртісі», Мемлекеттік сыйлықтың иегері, «Халық қаһарманы».