Сұлтанхан Аққұлұлы Жүсіп

Сұлтанхан Аққұлұлы Жүсіп (1 тамыз 1962, Түркістан) — әлихантанушы-ғалым, халықаралық журналист, филология ғылымдарының кандидаты, "Алаш" ғылыми-зерттеу институтының директоры.

Қызметі

1990 жылы Әл-Фараби атындағы Қазақ ұлттық университернінің филология факультетін бітірген.

Ауғанстанда әскери борышын өтеген.

Алматыда өрт сөндіру қызметінде, Политехникалық институттың зертханасында, Ақтауда кәсіптік-техникалық училищеде жұмыс істеген.

1990-1995 жылдары ҚР Ұлттық Ғылым Академиясының М.О. Әуезов атындағы Әдебиет және өнер институтында ғылыми қызметкер.

1995-1996 жылдары Темірбек Жүргенов атындағы қазақ ұлттық өнер академиясында кафедра меңгерушісі, аға ғылыми қызметкер.

1995 жылдан бастап Прагадағы "Азаттық" радиосының тілшісі.

1997-2000 жылдары "Азаттық" радиосының Астанадағы бюро директоры.

2000-2001 жылдары Астана қаласы әкімінің пресс-хатшысы.

2001-2002 жылдары "Қазақстан-Заман" газетінің Астанадағы корреспонденті.

2002 жылдан бастап Прагадағы "Азаттық" радиосының тілшісі.

1991- 1994 жылдары Сұлтанхан Ресей мұрағаттарынан Ә.Бөкейханға қатысты мол мұра тапты. Осыдан әлихантанудың жаңа беті басталып, зерттеулер жаңа дем алады. Кейіннен Сұлтанхан Аққұлұлының бастамасымен Әлихан Бөкейханның 15 томдық жинағы жарық көрді.

1995 жылы қазақтың көсемі - Әлихан Бөкейханның шығармашылығы мен қайраткерлік еңбегі бойынша кандидаттық диссертация қорғады. Ғылыми жұмысының толық мәтіні «Жұлдыз» журналында 1996 жылы жарияланды.